देवघाट कार्तिक १२
चक्रवर्ती सामुदायिक वन उपभोक्ता समूहको २६ औँ साधारणसभा एवं १३ औँ अधिवेशन सम्पन्न भएको छ । १३ औँ अधिवेशनबाट अध्यक्ष पदमा पुनः डिल बहादुर गुरूङ चयन हुनु भएको छ ।
गुरूङले अध्यक्ष कार्यकाल भित्र वनको राम्रो काम गरेको भन्दै पुनः अध्यक्ष पदमा चयन गरिएको हो । त्यस्तै गरि उपाध्यक्ष पदमा खेम बहादुर रानामगर,सचिव पदमा प्रेम बहादुर थापामगर,कोषाध्यक्ष पदमा उषा नैनावस्ती र सदस्यहरू भरिमाया गुरूङ,सुकुमाया गुरूङ,भारती पौडेल,गणेश थापा,ऋषिराम सुवेदी,दधिराम सापकोटा,सान बहादुर परियार गरी ११ सदस्यीय समिति चयन भएको छ ।
उक्त सभा सोमबार वनको सभाहलमा देवघाट गाउँपालिकाका अध्यक्ष तिल बहादुर थापाको प्रमुख अतिथ्यमा भएको थियोे । सभामा सम्बोधन गर्दै अध्यक्ष थापाले देवघाटको सामुदायिक वनहरू मध्येमा चक्रवर्ती सामुदायिक एउटा राम्रो सामुदायिक वन अन्तर्गत पर्ने बताउनुभयो ।
उनले सामुदायिक वन भित्रका क्रियाकलाप हरू लगायत लगायत अन्य कदमहरूमा पनि चक्रवर्ति अग्रसर रहेको बताउदैँ आगमि दिनहरूमा पनि नियम अनुसार वनलाई अगाडि बढाउन अनुरोध गर्नुभएको थियोे । सो कार्यक्रमका विशिष्ट अतिथि स्थानीय वन महासंघ गण्डकी प्रदेश सचिव केशव चन्द्र न्यौपानेले वन ऐन अनुसार सामुदायिक वनलाई अगाडि बढाउन अनुरोध गर्नुभएको थियोे ।
न्यौपानेले देवघाटका कतिपय सामुदायिक वनका अध्यक्ष लगायत अन्य पदाधिकारी वन ऐन सम्बन्धमा अनविज्ञ छन् त्यसै कारणले विभिन्न समस्या परेको बताउदैँ वन ऐन सम्बन्धि नियमावलीहरू अध्ययन गर्न अनुरोध गर्नु भएको थियोे । साथै कार्यक्रममा सव-डिभिजन वन कार्यालय देवघाटका अधिकृत कृष्णप्रसाद भट्टले देवघाटको उत्कृष्ट सामुदायिक वनहरू अन्तर्गत यस चक्रवर्ती सामुदायिक वन पनि पर्ने बताउनु भयो । उनले सामुदायिक वनलाई नियम अनुसार अगाडि लैजाने हो भने समाजमा धेरै फाइदा उत्पन्न हुन्छ जसबाट उपभोक्ताहरूले आयआर्जन गरि आफ्नो आर्थिक अवस्था उकास्न सकिन्छ ।
साथै अधिकृत भट्टले सामुदायिक वनलाई एउटा आम्दानीको स्रोतको रूपमा अगाडि बढाउन सामुदायिक वनलाई अनुरोध गर्नुभएको थियोे । उक्त सभामा २०८०/०८१ को आयव्यय तथा २०८१/०८२ को भावि योजना वनका सचिवालय सचिव प्रेम थापा मगरले प्रस्तुत गर्नुभएको थियोे भने प्रगति प्रतिवेदन वनका सचिव खेम बहादुर रानामगरले प्रस्तुत गर्नुभएको थियोे । सो कार्यक्रममा देवघाट-५ वडाका पूर्व अध्यक्ष याल बहादुर गुरूङ,देवघाट टोल विकास संस्थाका अध्यक्ष सुकु गुरूङ,कालिका सामुदायिक वनका अध्यक्ष कृष्णराज न्यौपानेले मन्तव्य दिनु भएको थियोे ।
अधिवेशनको अवसरमा वनले बराह आधारभूत विद्यालयमा कक्षा १ र २ मा अध्ययनरत एक छात्र र एक छात्रा लाई छात्रवृत्ति दिइएको थियोे भने जेष्ठ उपभोक्तालाई सम्मान गरिएको थियोे ।अधिवेशनको अवसरमा वनले बराह आधारभूत विद्यालयमा कक्षा १ र २ मा अध्ययनरत एक छात्र र एक छात्रा लाई छात्रवृत्ति दिइएको थियोे भने जेष्ठ उपभोक्तालाई सम्मान गरिएको थियोे ।
भने उत्कृष्ट उपभोक्तालाई समेत सम्मान-पत्र मार्फत सम्मान गरिएको थियोे । कार्यक्रम वनका अध्यक्ष दिल बहादुर गुरूङको अध्यक्षतामा भएको थियोे ।
