सुझाव पत्रमा (१) वृद्ध अशक्त र अपाङ्गहरुको सामाजिक सुरक्षा भत्ता घर घरमा पुर्‍याउने व्यवस्था गरियोस् ।(२) हल देवघाटमा जनताले विकास निर्माणको नाउँमा जुन हैरानी खेपिरहन परेको छ त्यो कुरा इङ्गित गर्दै ,५० हजारको भुक्तानी माग्न पालिकामा ५० पटक धाउन पर्ने प्रथालाई अन्त्य गरियोस ।(३) योजना सम्झौता र भुक्तानी दुबै वडा कार्यालय बाटै हुनु पर्ने सुझाव दिएको छ।(४) प्रत्येक योजनाहरु प्राविधिकहरुको प्रत्यक्ष संलग्नतामा र निगरानीमा हुनु पर्ने माग राख्दै, प्राविधिक फिल्डका कर्मचारीहरु लाई फिल्डमै खटाउन सुझाव पनि दिएको छ । (५)पालिकामा कर्मचारी भर्ना गर्दा कुनै आग्रह पुर्वाग्रहमा नपरी सक्षम योग्य प्राथमिकता दिन सुझाव दिंदै ,स्थानीय र पिछडिएका वर्ग समुदायका उम्मेदवार लाई ग्रहायता दिन आग्रह गरेका छ्न ।(६) पालिकाबाट हुने कुनै प्रकारको दुर्गामी प्रभाव पर्ने खालका विषयमा निर्णय लिनु पर्दा राजनीतिक दल, नागरिक समाज र सामाजिक अभियान्तहरु संग पनि छलफल र परामर्श लिनु पर्ने पनि सुझाएका छ्न ।

 

समृद्ध देवघाटको लागि सुशासन सामाजिक अभियानको तर्फ बाट आज पालिकामा सुझाव पत्र बुझाउन सामाजिक व्यक्तित्वहरु प्रेम बहादुर गुरुङ, रामनाथ मिश्र, तिल बहादुर गुरुङ मिडियाकर्मी करिष्मा गुरुङ को उपस्थिति रहेको थियो।