तनहुँको देवघाट गाउँपालिका वडा नं ३ स्थित छिपछिपे टोल विकास संस्था द्वारा आयोजित टोल तथा गाउँ स्तरीय पुरुष भलिबल प्रतियोगिताको उपाधी मिलिजुली युवा क्लब बन्दिपुर ६ खहरेले हात पारेको छ। स्वास्थ्यको निम्ति खेलकुद,समाज रुपान्तरणको निम्ति खेलकुद भन्ने मुल नाराको साथ भएको प्रतियोगिताको फाइनलमा गैंडाकोटको ढोडेनीलाई पराजित गर्दै मिलिजुली प्रथम भएको हो। यस्तै प्रतियोगिता दोस्रो गैंडाकोट ढोडेनी र तेस्रो देवघाटको जैथुम भएको छ।प्रतियोगितामा प्रथम भएको खहरेले ४४ किलोको खसी, दोस्रो भएको गैंडाकोटले ४२ किलोको खसी र तेस्रो भएको जैथुमले २२ किलोको खसी प्राप्त गरेको कार्यक्रमका प्रमुख अतिथि सिद्वान्त गर्जा मगरले बताए । टोल विकास संस्थाका अध्यक्ष मोहन मगरको अध्यक्षतामा भएको उक्त कार्यक्रममा प्रमुख अतिथि वरिष्ठ समाजसेवी सिद्धान्त गर्जा मगरले भूगोल सुहाउँदो खेल भलिबलले सम्पुर्ण युवाहरु मात्र नभई खेल प्रेमीहरुलाइ एकीकृत गर्ने, बिचार बिमर्श गर्ने, सामाजिक भेटघाट र सामाजिक कार्य, नीति निमार्ण र एकताबद्द भइ समाज रुपान्तरणलाई रचनात्मक सहयोगमा कोसेढुगाको भुमिका खेलेको धारणा राखेका थिए। प्रमुख अतिथि मगरले घुमाउने पुल र बुद्ध सिंह मार्ग पुल नबनेसम्म फाल्गुनमा हुने चुनाव बहिष्कार गर्नुपर्ने भन्दै जेन्जी शैलीमा सामाजिक बहिष्कार गर्ने, नेताहरुलाइ भूगोल प्रवेशमा रोक लगाउने र सबै टोलटोलमा जेन्जी युवाहरुबाट नो भोट गर्नुपर्ने कुरामा जोड दिएका थिए।